Volve a Revolta das Letras

O pasado xoves, 10 de outubro, inauguramos na biblioteca un novo curso do club de lectura A Revolta das Letras. Neste encontro, démoslle a benvida aos/ás novos/as participantes, informamos sobre a organización e funcionamento do club e, por suposto, tamén falamos de libros. Ao longo deste trimestre, leremos as seguintes obras: 

- O grupo de 1º ESO lerá Mentira, de Care Santos

- O grupo de 2º ESO lerá Que me pare o corazón se te esquezo, de Andrea Maceiras

- Por último, o grupo de 3º e 4º ESO lerá Poder non é querer, de Noela Rivas. 

No seguinte enlace podedes consultar o calendario de reunións previstas para este trimestre. As datas poden variar atendendo ao que se acorde coas coordinadoras do club. 

CLUB DE LECTURA - CALENDARIO DE REUNIÓNS

Volve a Revolta das Letras!! :)

Día Europeo das Linguas e Día dos Animais

O pasado 26 de setembro foi o Día Europeo das Linguas e, coincidindo con esta celebración, o alumnado de 1º ESO estivo a investigar sobre a diversidade lingüística e achegouse ás moitísimas linguas que se falan en Europa. 

E vós, queredes saber como se di "Ola" en eslovaco ou en finés? E como se di "Quérote" en grego ou en búlgaro? Pois non tedes máis que ver na biblio os murais que realizou o alumnado: 

Por outra banda, coincidindo que o pasado 4 de outubro foi o Día Mundial dos Animais, temos na biblio unha exposición moooi animal!!

UNHA REVOLTA AO PASADO

Presentamos un dos traballos máis relevantes do PDI do curso pasado: o documental UNHA REVOLTA AO PASADO, elaborado polo alumnado do CPI As Revoltas. 

Nun mundo cada vez máis acelerado e dixital, a miúdo esquecemos as historias que foron dando forma ás nosas vidas e ás nosas familias. UNHA REVOLTA AO PASADO é unha ponte entre xeracións, unha viaxe emotiva que nos levará a través do tempo para redescubrir as raíces que nos sosteñen. Aquí, netos e netas sentan cos seus avós e avoas para escoitar e documentar relatos dun pasado que, aínda que distante, segue vivo na memoria dos que o viviron.

Club de lectura

Gústache ler? Queres vivir emocionantes aventuras lectoras? Únete ao club de lectura de secundaria! Leremos un libro cada trimestre e reunirémonos un recreo á semana. Infórmate e apúntate na biblioteca antes do 23 de setembro. 

Ata setembro!

Ao longo das últimas semanas de curso, as nosas voluntarias de cuarto estiveron dándolle unha nova imaxe á porta da biblio. Despois de moito traballiño, aquí vos deixamos o marabilloso resultado. Grazas polo voso bo facer! 

A nova porta da biblio pecha por vacacións, pero Sherlock Holmes, Harry Potter, o Principiño e Súper Pepiña recibiranvos con alegría en setembro! Desfrutade moito do verán!

As recomendacións de Súper Pepiña

Súper Pepiña vaivos botar moito de menos durante as vacacións!! Coa axuda das profes de Infantil e 2º Ciclo, preparouvos unhas recomendacións de lecturas para o verán. Agardamos que as desfrutedes! 

INFANTIL

2º CICLO E.P.

ESO

Falemos Máis Galego

O 20 de xuño, o alumnado dos dous grupos de 1º ESO desprazouse a Cee para asistir á gala de Falemos Máis Galego, unha iniciativa impulsada este curso desde o IES Agra de Raíces (Cee) co obxectivo de potenciar o valor da lingua galega na Costa da Morte. 

Previamente, o alumnado de 1º ESO enviara a súa candidatura para participar no concurso ligado a esta iniciativa: un vídeo e un logo co lema: Quero o galego, quero este idioma, que o falen todos é o que máis mola.