O día 21 de marzo celébrase o Día Mundial da Poesía, que conmemora unha das formas de expresión e identidade máis preciosas da humanidade.
O alumnado de 4º de Primaria fálanos sobre este día nun novo e interesante programa de Ondas Revoltas. Podes escoitalo premendo na imaxe:
O pasado venres celebrouse o Día Internacional da Muller e no CPI As Revoltas conmemorámolo cunha pequena homenaxe a 14 mulleres galegas que fixeron historia: desde María Pita ata Sofía Casanova, pasando por Ángeles Alvariño ou Helena Villar.
Cada curso escolleu unha muller galega e investigou e gravou un programa de radio sobre a súa traxectoria. Na seguinte presentación podedes escoitar os diferentes programas e aprender moito sobre estas pioneiras que nos foron abrindo o camiño cara á igualdade:
O pasado 23 de febreiro celebramos no colexio o Día de Rosalía.Para homenaxear a nosa escritora máis emblemática, xuntámonos todos os cursos e recitamos, cantamos e incluso rapeamos os seus versos.
Na seguinte presentación recóllense todas as actuacións desta marabillosa xornada:
O alumnado de 4º de Primaria tamén realizou un programa especial para Ondas Revoltas. Podedes escoitar a súa marabillosa conversa con Rosalía premendo na imaxe:
