Falta pouquiño para o Entroido e no cole xa se respira ambiente festeiro!
O primeiro andar foi invadido por peliqueiros, cigarróns, pantallas, boteiros... Non deixedes de visitar a exposición destas fantásticas figuras do entroido tradicional galego.
Queremos ver alegría, queremos ver amizade, e que sempre e que sempre haxa liberdade.
Hoxe, 30 de xaneiro, celebramos o Día Escolar da Non Violencia e a Paz, unha data para promover valores tan importantes coma a tolerancia, o entendemento e o respecto.
No cole celebrámolo con música, cantando "Se puidese", unha emocionante versión da canción "No dudaría" de Antonio Flores.
Deixámosvos tamén o enlace a un novo programa
de Ondas Revoltas, elaborado polo alumnado de 4º de primaria e dedicado a
lembrar a varios heroes e heroínas da paz. Podedes escoitalo premendo na imaxe:
Con motivo do Día da Ilustración en Galicia,
que se celebra o día 30 de xaneiro, realizamos unha exposición de bandas
deseñadas elaboradas polo alumnado de 1º ESO
Ademais, este traballo está relacionado co
lema deste curso das bibliotecas escolares de Galicia: UNHA BIBLIOTECA ESCOLAR
EN VIÑETAS, que pon o foco en todas as posibilidades que a banda deseñada
ofrece tanto no goce lector como na aprendizaxe curricular.
Podedes ver a exposición no primeiro andar do
colexio.
O día 24 de xaneiro conmemórase o Día Internacional da Educación.
O alumnado de 4º de Primaria agasallounos cun interesantísimo podcast sobre a figura de María Montessori, revolucionaria pedagoga que dedicou toda a súa vida a mellorar a educación dos máis pequenos. Podedes escoitalo premendo na imaxe.