Debuxando contos populares

O pasado 1 de abril celebrouse o Día das Artes Galegas, este ano adicado ao artista Isaac Díaz Pardo. Para conmemorar esta data, convocouse o III Certame de Debuxo para toda a comunidade educativa do CPI As Revoltas: Debuxando contos populares. 

No seguinte vídeo recollemos todos os debuxos que se presentaron. Moitas grazas a todos e a todas por participar!

Elas contan

O vindeiro 14 de outubro será o Día das Escritoras e, para celebralo, propoñémosche escribir un conto partindo dun relato dunha autora galega. 

Podes ler os relatos premendo na imaxe. Abaixo atoparás as bases do certame de contos. 

BASES DO CERTAME "ELAS CONTAN"

1- Na entrada da biblio e no blog están colgados os comezos de cinco relatos diferentes. Escolle un deles.
2- Imaxina e escribe a continuación do relato que escolliches.
3- Os relatos deben estar escritos en galego.
4- Pode participar todo o alumnado de Primaria e Secundaria.
5- A data límite para entregar os relatos é o 21 de outubro.
6- Haberá un agasallo para todos os participantes e premios para os tres mellores relatos.

Debuxando a cultura popular

31/05/2024 - Actualización

Xa temos gañadoras do II Certame de Debuxo do CPI As Revoltas. Parabéns ás campioas e moitísimas grazas a todos/as pola vosa participación! 

• Infantil: Lara Fernández Collazo
• 1º Ciclo: Noa Fernández Collazo
• 2º Ciclo: Rosalía Centeno Suárez
• 3º Ciclo: Valeria Vigueret Bermúdez
• ESO: Noa Eiroa Pose

24/04/2024 - Actualización

No seguinte vídeo podedes ver todas as obras presentadas ao II Certame de Debuxo do CPI As Revoltas. Moi pronto coñeceremos os/as gañadores/as de cada categoría. Moitas grazas a todos/as os/as participantes!!

22/03/2024

Con motivo do Día das Artes Galegas, que se celebra o vindeiro 1 de abril, convócase o II Certame de Debuxo para toda a comunidade educativa do CPI As Revoltas: Debuxando a cultura popular. A continuación podes ler as bases completas do concurso. Anímate a participar!! 

Debuxando os océanos

Actualización

A continuación presentamos as gañadoras do I Certame de Debuxo. Parabéns ás gañadoras e parabéns a todos os participantes!

                     

                      

                 

No seguinte vídeo podedes ver todos os debuxos participantes no concurso.

30/03/23

Con motivo do Día das Artes Galegas, que se celebra o vindeiro 1 de abril, convócase o I Certame de Debuxo para toda a comunidade educativa do CPI As Revoltas: Debuxando os océanos. A continuación podes ler as bases completas do concurso premendo na imaxe. Anímate a participar!! 

Día do Naturalismo Galego

O próximo 9 de marzo celébrase o Día do Naturalismo Galego, coincidindo co aniversario do nacemento do Padre Sarmiento. Para celebralo, propoñémosvos un súper concurso sobre a fauna e a flora galegas. 

Na entrada da biblioteca tedes 8 carteis de distintos ecosistemas galegos. O concurso consiste en identificar o maior número posible de especies nestes carteis, tanto animais coma vexetais. 

Anota todas as especies que recoñezas e déixaas na caixa que atoparás xunto aos carteis. Podes buscar axuda nas guías de natureza expostas diante dos carteis. 

Todos os/as participantes terán un pequeno agasallo e o campión ou a campioa do concurso terá un súper premio salvaxe!! 

Actualización:

A gañadora do concurso e dun xabaril ben feitiño foi Xiana de 6º. O resto das participantes levaron un raposiño :) Parabéns á campioa e moitas grazas a todas as concursantes pola vosa participación!