Contacontos na biblio

Achégase o Día do Libro e na biblio xa imos quecendo motores. 

O pasado mércores, 15 de abril, visitounos Vicky, unha contacontos da editorial Santillana que nos fixo soñar e sorrir recreando as historias que estamos a ler na clase: O Lobo Ramón, de María Canosa, e Matilda, de Roald Dahl. 

Deixámosvos algunhas fotiños das diferentes sesións. 

Contacontos en Infantil

Contacontos en 1º ciclo de Primaria

Contacontos en 2º ciclo de Primaria

O Cancioneiro das Revoltas

Poñémoslle o ramo ao mes do libro cunha misteriosa obra que apareceu na clase de 3º ESO. Trátase dun cancioneiro manuscrito que recolle cantigas medievais de todos os xéneros. 

O enigmático libro está asinado por trobadores de gran renome coma o Emperador Barcia da Veiga, Don Recarey o rei, Capitán Blanco de Penedo, Maruja do Esto, Manolo da Riloa, Yara de Lisa, Bryan o Biólogo, Romeroski_, Penedo, Yeray do Chosco, Bruno do Monte Blanco, María A de Nantón, Loureiro de Neaño, Mariño do Mar, Martín Códax, Joël do París ou o famoso Sabio de Beres. 

O cancioneiro orixinal está ben gardado na biblioteca, pero podedes acceder a unha copia e ler as cantigas premendo na imaxe.

Abril, mes do libro