mércores, 21 de decembro de 2022
O Nadal nas Revoltas
Os libros de Súper Pepiña
O Nadal é unha época fantástica para ler e agasallar libros. Súper Pepiña recoméndache algunhas das novidades que podes atopar na nosa biblio. Ven buscar a túa lectura para estas vacacións!
Premendo na imaxe podes ver as recomendacións lectoras de Súper Pepiña:
E premendo nestas imaxes podes acceder ás recomendacións que nos fan as profes de Infantil e do 2º ciclo de primaria:
Lecturas recomendadas - INFANTIL |
Lecturas recomendadas - 2º CICLO DE PRIMARIA |
Celebrando A Revolta das Letras
Hoxe tivo lugar a última xuntanza do ano da Revolta das Letras, o noso club de lectura. Fixemos unha pequena festiña na biblio, para celebrar as nosas primeiras lecturas e despedirnos ata despois do Nadal.
Parabéns para Teny e Marco!
Hoxe queremos darlle os parabéns a Teny e Marco, de 4º de primaria, polos premios que recibiron a semana pasada. 🎉
Teny quedou no terceiro posto na XIX Edición do Concurso de Contos de Nadal da Voz de Galicia, cun conto titulado "O roscón de Reis". Recolleu o premio o sábado pasado en Cee.
O director da Voz entregando o premio |
Teny cos demais premiados do Concurso de Contos de Nadal |
Marco recibiu un premio no II Concurso de Debuxo e Pintura Gervasio Sar (categoría de Primaria), polo seu debuxo sobre os voluntarios que traballaron limpando as nosas costas tras o desastre do Prestige. Recibiu o premio o pasado venres en Muxía.
Entrega do premio |
Marco co seu diploma |
Moitos parabéns para os premiados e para todos os participantes do noso cole! 🎈
venres, 16 de decembro de 2022
Contos de Nadal