O Samaín nos bosques galegos

Chega o Samaín e, con el, unha das nosas actividades preferidas: escribir e contar contos de medo! 

Todos os cursos do colexio crearon e gravaron na radio terroríficos relatos ambientados en bosques arrepiantes nos que viven todo tipo de criaturas: pantasmas, bruxas e feiticeiros, o Home do Saco, a Santa Compaña, o Vákner, o Sacaúntos... 

Podes escoitalos premendo seguinte presentación, pero avisamos que non son aptos para persoas sensibles! 

Bo Samaín para todos e todas! 🎃 

Samaín na biblio

Falta moi pouquiño para a noite máis arrepiante do ano!! 👻

Para celebrarmos o Samaín, a biblio encheuse de pantasmas, cabazas, monstros, bruxas... E, por suposto, moitísimas historias de medo que podedes levar para ler estes días!!

A Revolta das Letras

Mañá, 24 de outubro, conmemórase o Día das Bibliotecas, e que mellor xeito de celebralo ca xuntándonos na biblio para inaugurar un novo curso do club de lectura de secundaria. 

Durante o segundo recreo reunímonos todos os membros do club para recoller as lecturas que compartiremos durante este trimestre: Verdade, Santoamaro e A miña planta de laranxa lima. 

Comeza a Revolta das Letras!!

Contacontos con Anxo Moure

Hoxe tivemos unha visita moi especial no colexio!

De Carballolandia á Carballa chegou Anxo Moure, convertido nunha árbore e acompañado do seu burriño Caramulo. Entre contos e cancións, Anxo encheunos o corazón coa música dos bosques. 

Con esta actividade comezamos a celebración da Semana das Bibliotecas e arrancamos co traballo sobre os bosques, o noso PDI desde curso escolar. 

📷 Preme no cartel para ver algunhas fotos do encontro de hoxe. 

Outono na biblio

O outono chegou á biblio e mirade que bonita se puxo a nosa Súper Pepiña! Xa está preparada para camiñar polo bosque, recoller castañas, noces, landras, cogomelos... e desfrutar da tempada do Samaín e dos magostos.  

Grazas á profe Mari Carmen por ternos a biblioteca sempre tan bonita! 💚

Escribide, compañeiras!

O alumnado de 4º de Primaria celebrou o Día das Escritoras cun programa especial para Ondas Revoltas. Nel, lembraron as autoras que escribiron ao redor de 1975 e tamén recitaron un poema contra a guerra de María do Carme Kruckenberg. 

Podedes escoitar o programa premendo na fotografía. 

O bosque das escritoras

O alumnado de 3º de Primaria estréase este curso nas Ondas Revoltas con motivo do Día das Escritoras. 

Os locutores e locutoras gravaron un programa de radio baixo o lema "O bosque das escritoras", onde fan un repaso por escritoras que nos seus textos reflexaron sentimentos ou loitas polos bosques.

Non volo perdades!!