O pasado 1 de abril celebrouse o Día das Artes Galegas, este ano adicado ao artista Isaac Díaz Pardo. Para conmemorar esta data, convocouse o III Certame de Debuxo para toda a comunidade educativa do CPI As Revoltas: Debuxando contos populares.
No seguinte vídeo recollemos todos os debuxos que se presentaron. Moitas grazas a todos e a todas por participar!
O alumnado de secundaria festexou o Día do Libro creando knollings literarios cos seus libros preferidos da literatura galega.
Podedes ver o magnífico resultado neste vídeo:
Hoxe, 23 de abril, é o Día do Libro e o alumnado de 2º de ESO tivo a sorte de celebrar este día con Adrián Gómez Ramos, o autor do último libro que están a ler na materia de Lingua Galega: Cando sangren os lobos.
Con el conversamos sobre a súa obra, sobre literatura e certames literarios e tamén sobre un montón de temas moi interesantes coma a licantropía, a diversidade afectiva, series e pelis de medo, videoxogos...
Agradecémoslle moitísimo a Adrián Gómez Ramos este encontro tan proveitoso!
O alumnado de 4º de Primaria e de 2ª de ESO do CPI As Revoltas participaron no Certame Enreguéifate 2025.
🏆O alumnado de 4º de Primaria participou coa regueifa "Continuemos co legado", na que reivindica o uso do galego. Estes artistas da regueifa fixéronse cun dos premios do certame. Moitos parabéns!!! Podedes ver a súa regueifa no seguinte vídeo:
O alumnado de 2º de ESO coas regueifas "Regueifa Bergantiñá" e "Regueifando con Rosalía", demóstrannos que en Cabana de Bergantiños hai moita canteira regueifeira.
